Еріктілер Конституция күніне орай марафон өткізді

30.08.21 15:32 1559
here is a new's image

Конституция күніне орай, «Елбасы Медалі» жобасының қатысушылары 1995 шақырым жүгіріп, спорттық марафон өткізді.

Олар бұл қашықтықты бекер таңдамаған, өйткені 1995 жылы Ата Заң қабылданды.

Акцияға еліміздің әр өңірінен келген 500-ден астам бала қатысты. «Мен барша қазақстандықты құттықтаймын, бейбітшілік тілеймін! Өз кезегімізде біз марафон өткізіп, күшіміз бен рухымызды нығайттық», - деді жоба қатысушысы Мирас Әлімов.

«Конституция күні - бүкіл халық үшін маңызды күн. Балалардың бұл идеяны қуана қолдағаны қуантады. Қатысушылардың өздерін ғана емес, біз олардың ата-аналарын, достарын да жұмылдыра алдық», - дейді жоба жетекшісі Әлия Нұрғалиева.

Марафоннан кейін тәуелсіз Қазақстанның жетістіктері туралы қызықты пікірталасқа толы пикник ұйымдастырылды.